Мал амьтны сэг, зэм устгал, орчны халдваргүйтгэлийн ажлыг зохион байгуулж байна.
Аймгийн Засаг даргын 2023 оны 03-р сарын 14-ний өдрийн А/107 тоот захирамж, 02 дүгээр албан даалгаврын хүрээнд зүй бусаар болон цаг агаарын аюулт үзэгдлийн улмаас хорогдсон малын сэг зэмийг цуглуулж устгах ажлыг 35 ажлын хэсэгт 47 удирдах ажилтан, 18 малын эмч, 50 туслах ажилтан, 38 жолооч нийт 204 ажиллах хүч, 76 тээврийн хэрэгсэл 33 устгалын цэгт зохион байгуулж ажиллаж байна. Уг ажилд Мал эмнэлгийн ерөнхий газар, аймгийн Мал эмнэлгийн газрын нөөцөөс 14,1 сая төгрөгийн үнэ бүхий халдваргүйтгэлийн бодис, хамгаалах хувцас хэрэгслийн дэмжлэг үзүүлснийг сумдад хувиарлан олгоод байна.
