Монгол улсад шинжлэх ухааны Мал эмнэлэг үржлийн алба үүсч хөгжсөний 100 жилийн ойг угтаж Сүхбаатар аймгийн малын эмч нарын дунд мэргэжлийн Ур чадварын уралдааныг зохион байгууллаа
Монгол улсад шинжлэх ухааны Мал эмнэлэг үржлийн алба үүсч хөгжсөний 100 жилийн ойг угтаж Сүхбаатар аймгийн малын эмч нарын дунд мэргэжлийн #Ур чадварын уралдааныг халдварт, халдваргүй , шимэгчтэх, лабораторын дээж шинжилгээ, мэс засал гэсэн 5 чиглэлээр зохион байгууллаа. Уралдаанд 6 багийн 48 эмч ур чадвараа сорин өрсөлдсөнөөс шилдэг “Мэс засалч эмч”-ээр Түмэнцогт сумын МЭТ-н Тархвар зүйч, малын их эмч С.Мөнх-Эрдэнэ, шилдэг “Халдваргүй өвчнийг оношлогч” эмчээр Халзан сумын малын их эмч О.Жамьяндорж, шилдэг “Халдварт өвчнийг оношлогч”эмчээр Түвшинширээ сумын “Түвшин төрөнгө” ААН-н малын их эмч Ж.Хаймчиг, шилдэг “Шинжлэгч эмч”-ээр Мөнххаан сумын “Түмэн төл” МЭҮН-н малын их эмч М.Бүтэнжаргал, шилдэг “Шимэгчтэх өвчнийг оношлогч” эмчээр Мөнххаан сумын МЭТ-н Тархвар зүйч, малын их эмч Б.Идэрбат тус тус шалгарлаа. Мөн багийн дүнгээр Мөнххаан-Түмэнцогт сумын хамтарсан баг 1-р байр , Халзан-Баяндэлгэр сумын хамтарсан баг 2-р байр, Түвшинширээ-Уулбаян сумын хамтарсан баг 3-р байрыг тус тус эзэллээ. Энэхүү тэмцээнийг Монголын үндэсний мал эмнэлгийн холбоо 1,0 сая төгрөгөөр, Халзан сумын Монгол улсын аварга малчин , Монгол улсын алдарт уяач Ж.Мөнхсүрэн 1,0 сая төгрөгөөр, Халзан сумын Монгол улсын хошой аварга малчин Ж.Отгонбаатар 500,000 төгрөгөөр, Онгон сумын Улсын аварга малчин, Аймгийн алдарт уяач Ё.Төгсмандах 500,000 төгрөгөөр тус тус ивээн тэтгэн дэмжлэг үзүүлэн хамтран ажиллаа. Малын эмч нарын мэргэжлийн ур чадварын аварга шалгаруулах тэмцээний ерөнхий шүүгчээр Монголын үндэсний мал эмнэлгийн холбооны Ерөнхийлөгч Б.Батсүх, ХААИС, Мал эмнэлгийн сургуулийн дотор өвчин судлалын багш Б.Баяртогтох, Мал эмнэлгийн эрдэм шинжилгээний хүрээлэнгийн халдварт өвчин судлаач Ц.Батболд, Нийслэлийн мал эмнэлгийн газрын лабораторын чанарын менежер Б.Баттунгалаг, ВИ ТИ НЕТ ТББ-ын малын их эмч Ж.Мөнгөншагай нар уригдан шүүгчээр ажиллаа. Мөн Аймгийн мал эмнэлгийн лабораторын эрхлэгч Д.Туяа, Малын эрүүл мэндийн албаны дарга Ж.Сундуй, 2021 оны Малын эмч нарын ур чадварын уралдаанд түрүүлсэн эмч нар шүүгч, зураглаачаар ажилсан. Тус арга хэмжээг Сүхбаатар аймгийн Мал эмнэлгийн газар, Сүхбаатар аймгийн Мал эмнэлгийн холбоо, Сумдын Мал эмнэлгийн тасаг, Хувийн хэвшлийн малын эмч нар хамтран амжилттай зохион байгууллаа. Уралдаанд оролцсон болон дэмжиж ажилласан, Сүхбаатар аймгийн ЗДТГ, Монголын үндэсний мал энэлгийн холбоо, ХААИС, Мал эмнэлгийн эрдэм шинжилгээний хүрээлэн,Нийслэлийн мал эмнэлгийн лаборатори, Аймгийн мал эмнэлгийн газар, Мал үржлийн алба, ВИ ТИ НЕТ ТББ, Сүхбаатар аймгийн мал эмнэлгийн холбоо, сумдын малын эмч, мэргэжилтнүүд, малчиддаа Талархал илэрхийлье.
